NyheterKåre og Jørn dobla
28.08.2017
Same vinnarar blei det måndag 28. august som måndagen før. Kåre Kristiansen og Jørn Rekkum var heilt overlegne og stoppa på 70,8% score. Reidar Dale og Carl-Otto Curran spurta inn til andreplass med 54,9%, og tredjeplass blei det på Anne Merete Heggland - Torhild Rasmussen med 53,5%. Kåre og Jørn med overlegen siger måndag 28. august. Her frå sisterunden mot Stig og Stein Ole som blei nummer fire. Resultatliste med spelstensilar Det blir speling som vanleg dei to neste måndagane, før sesongens første simultanturnering går måndagen deretter; 18. september. Vel møtt! Kåre og Jørn vann 21. august
21.08.2017
To par kjempa om sigeren måndag 21. august. Etter at siste kort var spelt blei det Kåre Kristiansen - Jørn Rekkum som vann med 68,3% score. Andreplass blei det på Bjørn Hauge - Frode Dyrstad med 67,5%. Linda Rasmussen - Gerd Nøttveit kneip tredjeplassen med 52,4%. Per og Hans Victor vann haustens første spelekveld
15.08.2017
Første spelekveld denne hausten blei spelt måndag 14. august, og suverene vinnarar blei Per Skotheim - Hans Victor Koch med heftige 71,4 % score. Bjørn Hauge - Frode Dyrstad blei nummer to med 57,1 % og Anne Merete Heggland - Torhild Rasmussen nummer tre med 54,0 %. Resultatliste og spelstensilar Vi speler kvar måndag framover no, til og med måndag 18. desember. Vi har plass til fleire, og kjenner du nokon som vil spela er det berre å ta dei med. Vel møtt! NM par junior
01.08.2017
Både Thea Hauge og Carl-Otto Curran speler NM par som blir spelt i Drammen 2. - 3. august. Thea skal spela med Katarina Ekren frå Bergen Akademiske BK, medan Carl-Otto skal spela med Agnethe Hansen Kjensli frå Nesodden BK. Resultata kjem på denne linken. Vi ynskjer begge lukke til med turneringa! Klubbspelinga startar måndag 14. august
28.07.2017
Klubbspelinga startar opp att måndag 14. august. Gje gjerne beskjed til alle du kjenner som kan vera interessert i å spela med oss måndagskveldane. Brevet som går ut kan og lesast her. Vel møtt måndag 14. august! Thea nummer 7, Carl-Otto på tolvte
16.07.2017
EM for ungdomslag blei spelt i Slovakia 8. - 15. juli. Thea Hauge på det norske u26 jentelaget hadde heilt fram til siste kamp sjansar til å spela seg inn blant dei seks laga som er direktekvalifisert til neste års VM, men sjølv med ein kjempespurt held det ikkje heilt og det enda med sjuandeplass. Carl-Otto Curran på det norske u21-laget blei nummer tolv. Fleire av dei norske jentene, også Thea, blei intervjua av EBL under meisterskapet. Filmen kan sjåast her (klikk biletet). Lukke til i Slovakia!
03.07.2017
Carl-Otto Curran og Thea Hauge er begge tatt ut til å spela Ungdoms-EM som går i Samorin i Slovakia i perioden 8. - 15. juli. Første kamp startar klokka 10 søndag 9. juli. For jentelaget blir det fire kampar kvar dag, for u-21 laget fem kampar. Vi reknar med at det blir BBO-overføringar frå heile meisterskapet. Vi i klubben ynskjer lukke til i Slovakia! Os og Fusaposten hadde tysdag 4. juli ei førehandssak på meisterskapet. Klikk biletet for å lesa den. Anders og Tor Anders speler EM par
18.06.2017
Ope EM blir spelt i perioden 10. - 23. juni. meisterskapet går denne gongen i Montecatini i Italia. Frå Os er det kun Anders Johansson og Tor Anders Hauge som har tatt turen til Italia. Dei skal spela parturneringa som startar tysdag 20. juni og blir avslutta med finale fredag 23 - laurdag 24. juni. Reknar med det er overføringar på BBO heile vegen. Klubben ynskjer lukke til med turneringa!
Tor Anders og Anders speler ope EM for par.
|