NyheterJørn og Tarjei i 100
15.04.2019
Siste spelekveld før påske blei spelt måndag 15. april, og Jørn Rekkum - Tarjei Vangdal vann overlegent med + 110 (IMP over feltet). Andre gjekk til Stig Gamlemshaug - Stein Ole Moberg med + 55 og tredje til Frode Dyrstad - Kåre Aasen med - 30. Hugs påmelding til maibridgen på Rubbestadneset 1. mai. Då er det pause i klubbspelinga fram til måndag 29. april. Simultan står på programmet den kvelden. Riktig god påske til alle! Stig og Stein Ole vann klubbmeisterskapet
08.04.2019
Tredje og siste kveld av klubbmeisterskapet blei spelt måndag 8. april. Bjørn Hauge - Jørgen Blix vann kvelden med 63,9% framfor Anne Merete Heggland - Torhild Rasmussen med 63,2%. Tredje gjekk til Stig Gamlemshaug - Stein Ole Moberg med 60,4%. Klubbmeisterskapet samanlagt blei overlegent vunne av Stig og Stein Ole. Kvelden var òg simultanturnering. Her er resultata på landsbasis Vi speler som vanleg neste måndag, men ingen speling måndagen deretter. Hugs maibridgen på Rubbestadneset måndag 1. mai. Stig og Stein Ole blir vanskeleg å slå
01.04.2019
Andre kveld av klubbmeisterskaper blei spelt måndag 1. april, og som sist blei det siger til Stig Gamlemshaug - Stein Ole Moberg. 64,6% (scratch) blei det på dei, med Kåre Aasen - Joleiv Midttveit på andre 61,8% og Tor Anders Hauge - Frode Dyrstad på tredje med 60,4. Samanlagtresultat i tabellen under. Siste kveld av KM går neste måndag. Kvelden er òg simultanturnering. Vel møtt! Stig og Stein Ole vann første kveld KM
25.03.2019
Første kveld av klubbmeisterskapet blei spelt måndag 25. mars. To par skilde seg ut i toppen av lista med Stig Gamlemshaug - Stein Ole Moberg på første med 74,6% score framfor Kåre Aasen - Joleiv Midttveit med 70,6%. Tredjeplassen gjekk til Kåre Kristiansen - Jørn Rekkum med 57,1 Resultat og spelstensilar (scratch-lista tel i KM samanlagt) Turneringa held fram dei to komande måndagane Vel møtt! Bjørn og Frode knalla til
18.03.2019
Simultanturneringa måndag 18. mars blei overlegent vunne av Bjørn Hauge - Frode Dyrstad med heile 71,5% score. Det bør nå godt opp når tala på landsbasis er klare. Stig Gamlemshaug - Bjarne Vågen blei nummer to med 65,3% og tredje gjekk til Kåre Aasen - Joleiv Midttveit med 54,9%. Lokale resultat med spelstensilar Neste måndag startar klubbmeisterskapet over tre kveldar. Hugs påmelding til KM par 6. april og påskeskvis 14. april BAK best i klubbkampen
12.03.2019
Måndag 11. mars blei det spelt klubbkamp; denne gongen med Os og Austevoll på lag mot BAK. 26 par stilte til start, og etter 24 spel viste det seg nok ein gong at BAK var best. + 216 poeng blei det på BAK og tilsvarande minus på Os/Austevoll. Vi satser på revansje neste år. NM-sølv til Thea
10.03.2019
NM for damelag blei spelt helga 9. - 10. mars med 31 deltakande lag. Thea Hauge og juniorjentene hadde ei kjempeturnering, og til slutt blei det 2. plass og sølvmedaljar til jentene. På laget spelte i tillegg til Thea, Agnethe Hansen Kjensli, Nesodden BK, Katarina Ekren, Bergen Akademiske BK og Sofie Sjødal, Nesodden BK. Gratulerer til alle! Reidar og Carl-Otto med god score
04.03.2019
Spelinga måndag 4. mars blei vunne av Reidar Dale - Carl-Otto Curran med fine 67,5% score. Stig Gamlemshaug - Stein Ole Moberg tok andreplassen med 62,7% og tredje gjekk til Kåre Aasen - Joleiv Midttveit med 57,1%. Neste måndag blir det klubbkamp saman med Austevoll mot BAK. NB! Grunna ferjetider til Austevoll startar vi kl 17.30. Vel møtt!
|